المغرب هرب عليكم بزاااف.. والتنظيف ماشي إنجاز
شفنا الصور والفيديوهات لي جايين من ملعب تيزي وزو: حملة تنظيف كبيرة، صابون، جافيل، ومسح الكراسي بحال شي عرس. كلشي ناشر الصور بفخر، وكأنهم دارو شي إنجاز تاريخي.
ولكن الحقيقة؟ راكم غير كتحاولو تداركو الصدمة لي خلاتها فيكم صور مركب مولاي عبد الله فالمغرب. ملعب عالمي، منظم، واجد للمباريات الدولية، كيحشم حتى الأوروبيين.
وانتوما؟ باقين كتحكو فالكراسي باش يلمعو، وكتفتاخرو بهاد الشي فالإعلام. واش بصّح كتحسبو النظافة ديكور؟ راها حاجة بديهية، ماشي إنجاز! الملعب خاصو يتبنا صح، بالبنية التحتية، بالهندسة، بالتجهيز، ماشي بالصابون والماء.
المشكل ماشي فالتنظيف، المشكل فالعقلية: كتقارن راسك بالمغرب وهو سبقك بسنين، وباغي تلحقو بالجافيل ومسح الكراسي.
المغرب بنى، نظم، طور، وترشح لكأس العالم. وانتما باقين كتصاوبو في ملاعب بالكرتون، وتفتاخرو بتنظيفها.
الخلاصة؟ المغرب هرب عليكم بزاااااف.
